8號茶居 (宏業南街) (已結業)

位於工業區嘅好推薦！近朗屏西鐵站普洱滾水茶每位$5；普洱茶茶色唔等好深濃，但味道好重茶香，無平時酒樓個啲霉味。原來佢仲有好少元朗茶居有嘅菊普每位$8。雪山叉燒包$24好食到唔記得影相，個皮脆身似菠蘿包皮面咁。箭豬紫薯包$24小朋友一定好鍾意咁Cute，入面勁足紫薯料，食完勁飽肚，唔係食空氣咁。雞蛋牛肉腸$29一碟有三大條，平時酒樓通常係淨牛肉腸，但呢間就似人哋即磨腸粉咁加埋雞蛋。佢叉燒腸就配青瓜，老公唔食青瓜無叫總括嚟講點心同茶都一流，暫時係元朗嚟講都算出色。係卡位有啲窄。