Ebeneezer's Kebabs & Pizzeria (荷李活道)

營業中

休息中

我相信好多去過英國留學嘅朋友都會知道，Kebab係英國四大美食之一，一來Kebab又平又飽肚，二來英國嘢真係好難食，不過自從返咗香港做嘢之後就冇食過Kebab。早排同朋友行完大館，喺附近見到有間Kebab店，價錢又唔算貴，就一於入去回味吓好耐冇食過嘅Kebab。坐低本來想叫羊肉，但係可惜淨係得牛肉或者雞肉，咁我就叫咗雞肉，朋友就要串燒雞肉，另外我哋兩個都加多$15要埋個薯條同氣水。Kebab大概十分鐘左右就到，個款都似樣，餡料非常充足，有大量嘅雞肉加埋啲生菜洋蔥同蕃茄。另外醬料有三款可以選擇，分別係蒜頭醬、薄荷醬同辣醬。我淨係落咗蒜頭醬，其他兩隻味道係點我唔知，不過我落嗰隻幾正，都幾似你喺外國食嗰隻。總結幾好，好耐冇食過Kebab，可以返食。