仁芝初

營業中

休息中

最近天氣咁熱，行行下街想食啲涼浸浸嘅甜品～ 喺食肆林立嘅女人街見到呢度零零舍舍有間手工中式糖水，咁就幫襯下呢間小店先🤭凍 芋茸蓮子西米露 💰HK$30成碗糖水顏色係偏淡紫色，入面一粒粒白色嘅就係蓮子，西米份量唔多，不過食落去啖啖都係芋茸，好香芋頭味，口感非常之綿密得嚟又唔會太甜。仲有就係唔好睇佢好似好細碗，其實充滿澱粉質，超飽肚😋凍 楊枝甘露 💰HK$42呢碗楊枝甘露都好足料，有大大芒果粒，又有紅柚子果肉鋪面，都係略嫌西米份量唔夠多，整體夾埋一齊，酸酸甜甜好開胃，好有夏日嘅感覺。