紅茶冰室

營業中

休息中

通常星期六都懶到唔想落街 但今日要去銀行一轉就同媽咪落去食紅茶既早餐 岩岩有一枱食完 唔洗等位 媽咪叫左火腿通粉配麵包雙蛋 熱奶茶 我叫左英式早餐 有丹麥多士 炸魚柳 兩條白色既腸仔 黑松露炒蛋 茄汁豆 跟熱朱古力 初頭以為會唔夠飽 原來食落都幾飽下 魚柳新鮮炸 唔會太油 入面既魚仲好moist 腸仔白雪雪咁 但竟然好夠味 有驚喜 炒蛋份糧好夠 黑松露好香 丹麥多士姐係搽左好多牛油既多士半塊 對比起去文青cafe食個all day breakfast平好多 只係$58 當然要影相打卡就另計啦 但醫肚黎講無得彈啦