影片
更多
2021-04-18
76 瀏覽
星期一同男朋友講過想食扒，然後星期六夜晚佢一收工就帶咗我去慢煮到食～ 對上一次食慢煮已經係2018年年尾，記得個陣我地係喺另一個地址食，今次就諗住去呢間試下臨去之前我地喺open rice book咗枱，之後去到慢煮時再walk in，好快職員就安排好我地上樓上閣樓仔嘅角落位到坐，周圍環境氣氛唔錯，枱與枱之間又唔會太逼，坐得舒服真係好緊要叫餐方面要落返去地舖嘅cashier 位點餐，另外提提各位慢煮係唔收加一服務費諗好咗食咩之後，男朋友就落咗去點餐，我地總共叫咗4樣野食～芝士黑松露薯條無論點醬食抑或淨係加芝士食都好味平時我食薯條會食食下就唔想繼續食，但對住呢個真係完全冇意欲去停口～美國安格斯西冷牛扒雖然慢煮嘅食物係冇得要求煮到幾多成熟，但係牛扒並唔會煮到全熟，肉質啱啱好，咬落去唔會好韌。留意返牛扒上面鋪咗thyme, 蒜頭同蛋黃，重點係隻蛋黃並唔係全熟，將蛋黃篤穿後再將蛋汁均勻地塗喺牛扒上面，再加埋其餘嘅配料去食，又係另一番滋味，值得一試煙肉黑松露火箭菜蛋PIZZA🍕呢個影出嚟又靚，因為pizza上面鋪滿各種食材嘅關係所以食落去口感同埋味道都唔差，只係食到最後會覺得稍為有啲乾流心蛋大啡
臨去之前我地喺open rice book咗枱，之後去到慢煮時再walk in，好快職員就安排好我地上樓上閣樓仔嘅角落位到坐，周圍環境氣氛唔錯，枱與枱之間又唔會太逼，坐得舒服真係好緊要
叫餐方面要落返去地舖嘅cashier 位點餐，另外提提各位慢煮係唔收加一服務費諗好咗食咩之後，男朋友就落咗去點餐，我地總共叫咗4樣野食～
芝士黑松露薯條
無論點醬食抑或淨係加芝士食都好味平時我食薯條會食食下就唔想繼續食，但對住呢個真係完全冇意欲去停口～
美國安格斯西冷牛扒
雖然慢煮嘅食物係冇得要求煮到幾多成熟，但係牛扒並唔會煮到全熟，肉質啱啱好，咬落去唔會好韌。留意返牛扒上面鋪咗thyme, 蒜頭同蛋黃，重點係隻蛋黃並唔係全熟，將蛋黃篤穿後再將蛋汁均勻地塗喺牛扒上面，再加埋其餘嘅配料去食，又係另一番滋味，值得一試
煙肉黑松露火箭菜蛋PIZZA🍕
呢個影出嚟又靚，因為pizza上面鋪滿各種食材嘅關係所以食落去口感同埋味道都唔差，只係食到最後會覺得稍為有啲乾
流心蛋大啡菇
我地對呢個好有期望，因為見到open rice啲師兄師姐都推介呢個結果切開真係超級流心，成個畫面好治癒～因為有芝士鋪喺面嘅關係，中間又係蛋汁，最下層係菇，食落去層次感十足由於我地飯後會揸車嘅關係，所以好可惜冇叫到酒飲，我地只係叫咗雪碧同埋荔枝梳打
總括而言，食物方面賣相以及味道嘅質素都唔錯，不過上菜時間就相對頗為慢，4樣野總共夾埋等咗1個半鐘先可以嚟齊，如果食野個陣趕時間要去下一場嘅朋友就要注意呢一點～
張貼
