MOS Burger (已結業)

上次去MOS Burger都已經係年頭既事，今日有時間，近近地去呢度食午餐啦。呢間都開左一段時間，但我都無機會去。今次食辣味雞漢堡，薯條加大同飲鮮奶紅茶。一俾左錢，有個牌俾你，之後找位坐再有專人俾個餐你。呢樣同沙田、APM最唔同既地方，舖頭果然係舖頭。講下食啦，辣味雞漢堡就唔辣既。但勝在蕃茄夠爽口，而雞扒都唔錯啦，粉又唔會太厚。食得過。薯條就好大條而且好香脆可口，擺多陣都唔會林。個鮮奶紅茶既係西式既奶茶，本來都唔係太夾既。但將佢地既奶精溝入茶到又幾好飲呀，可能係日本既奶精合我口味啦。順帶一提，原來隨左加大薯條外，仲將飲品加大。好！而加做緊兩週年推廣，凡購買套餐可以送Jelly乙杯。咁正既一餐，實有下次既。