河畔強記雞粥海鮮酒家 (已結業)

以前細個成日跟屋企人黎呢間河畔花園嘅強記食乳鴿同埋雞粥，今日難得同仔仔、老公入咗嚟踩單車，所以都好想回味當年情！叫咗兩隻乳鴿同埋兩碗雞粥做晚餐，小朋友可能太攰所以瞓着咗，我同老公可以安心享用晚餐！先講下個炸紅燒乳鴿，講真真係冇以前咁好食，而家嘅乳鴿炸得比較乾身，而且肉質好鞋，唔知係有少少炸過咗龍定係本身係老鴿！🤣再嚟雞粥，個人覺得店員應該安排乳鴿食完先上雞粥，咁樣會比較好，雞粥食既時候已經唔算係好熱，食多幾啖已經開始凍，粥算係綿滑可惜比較鹹！well~出品差咗，下次應該唔使專登再過嚟食了！