檀島咖啡餅店 (軒尼詩道)

營業中

休息中

今日係專程來檀島食蛋撻一坐低，二話不說，就要一個蛋撻同一杯凍奶茶。先呷一口凍奶茶，茶味依然香濃，入口滑溜，不失檀島一貫味道，相信熱飲會更香濃，只可惜今日實在太熱，無法飲杯熱茶。不過$18一杯凍飲，實在唔平！蛋撻，唔夠熱，只係和暖的，有d失望；酥皮嗰樣都差咗d，但入口仍然鬆化，都ok；蛋心有光澤，吸引，甜味適中，軟硬程度亦恰到好處，入口軟滑，但不致於掉下來，唔錯；但唔知是否唔夠熱，所以覺得唔夠蛋香，希望下次再來時，會好d。蛋撻$6一隻 (原來買走只需$5.50)哈哈。