好時沙嗲

營業中

休息中

聽就聽得多，終於有朋友開口話去食呢間係尖東嘅好時沙嗲。八點上到去，冇book位，四個人等咗十五分鐘就有位，環境係一般般架啦。喇沙米粉，必食！有魚旦 豆卜 蝦仁，個湯杰杰地，米粉都算爽，好好味！四個人一人分到一碗。炒蘿蔔糕，用咗菜脯 蝦仁粒 蛋 一齊炒，似食緊甜嘅炒蛋。炒芥蘭，用蝦米仔炒，好香魚露 蝦醬個d味，應該每枱都有叫炒菜。肉骨茶，味精湯，好大碗湯 但得幾舊肉，後悔。咖哩雞，好杰 偏向酸味的咖哩，侍應話用咗酸籽去煮 酸係正常。唔好期望有一舊舊雞，因為已經煮爛哂 同個汁溶埋一齊。薄餅，脆嘅 好味！油飯，重椰香 少少甜， 唔似海南雞個d油飯，勝在夠大碗。四個女仔 埋單每人$100，飽住走，仲有好口渴 因為味精都幾勁。