直燒和牛商店 (已結業)

以下是個人真實用餐嘅感受，每個人都可能會有唔同嘅體驗，所以以下嘅嘢都只係用作參考。之前都有食開呢間燒肉店幾次，嗰陣時仲係喺舊舖位，有任食吉列牛舌，超級抵食，CP極高。但係今次食完之後，就應該唔會再去幫襯了。因為我食嗰日佢哋成間餐廳嘅Menu都唔同咗，冇咗任食嘅吉列牛舌，而且其他Menu嘅嘢食份量唔多，價錢都冇話特別平，可能係我個人問題大食同埋冇錢。另外，雖然會有員工專門幫你燒和牛，但係員工嘅服務態度就冇話好好，用餐期間有種說不出嘅感覺。嗰陣我食完嘢總共都只係30分鐘左右，然後想坐喺嗰度消化多一陣先埋單走人，但係啲員工就已經即刻拎張單過嚟，仲係咁喺前面走來走去，仲有一個女員工咩聲都冇出就執走晒枱面啲嘢，同埋換咗塊鐵板。真係好不愉快，最後買咗單離開餐廳之後，喺某某社交平台見到幾個關於呢間餐廳嘅廣告嘅標題同埋推介，就覺得好諷刺好搞笑。希望呢個食評可以比大家參考，同埋唔會造成誹謗。以上嘅內容純屬個人用餐體驗，只供參考。