屋子生活 (已結業)

我地馬鞍山山友出動搵好野食💕當然要約埋fd子@noah著住浴衣食日本野👘我地去咗烏溪沙嘅🏠屋子生活cafe💕 ᴜᴄʜɪ屋子日式嘅裝修風格，Cafe好高樓底，好有空間感，枱凳以用木為主🪵入面仲有榻榻米，同落地玻璃，強烈建議有陽光時黎打卡！簡約日系風格，悠閒舒適，一定可以令你放鬆忘憂💕⭐️ 和風蛋漢堡x三文魚茶漬飯手打漢堡厚身肉嫩，切開肉汁爆出好juicy，配上流心太陽蛋加埋甜甜嘅醬汁，好yummy🥰加錢可以轉三文魚茶漬飯，清新嘅茶漬飯意外地同漢堡好搭😋⭐️ 關西牛肉定食x明太子拌飯半肥瘦牛肉量好多😋牛下面仲有粉絲，個汁偏甜，配搭鮮味明太子拌飯，真係好好味👍⭐️木魚花玉子燒賣相都好靚，甜味夾雜木魚香，食落軟綿綿，波兒就好鍾意啦💕⭐️蘿蔔明太子沙律少少辣味嘅明太子配搭鮮甜嘅蘿蔔，原來係咁搭嫁！味道好清新可口！⭐️ 抹茶白玉雙層華夫唔好講笑，呢個甜品一定要食，造型有啲似兩個冬甩疊起，一上枱就謀殺菲林，面頭再有一層濃郁甘醇嘅抹茶忌廉，上面灑上抹茶粉，外面脆卜卜內裡鬆軟嘅窩夫充滿陣陣抹茶香味，加埋QQ煙靭嘅白玉🥰冇得彈！⭐️ 草莓奶蓋茶飲落去好香草莓味，而奶蓋鹹鹹甜甜，好順滑🍓