樂法 (已結業)

同朋友係銅鑼灣行街，行行下見到「樂法」，記得以前係台北有飲過呢間鮮果飲品店嘅鮮果多多係幾好飲嘅。就係我諗緊會唔會係台北嘅「樂法」，就俾我見到門口有廣告牌介紹必試皇牌❤️火龍果雲朵沙冰。紅肉火龍果鮮豔嘅顏色吸引左我嘅視線，忍唔住買左一杯嚟試下。店員仲好貼心咁問我要唔半糖，話咁樣會好飲啲！係我等緊嘢飲嘅時候問過店員，原來真係嚟自台灣嘅「樂法」！好開心以後又夠一間台式鮮果飲品店俾我選擇！😋店面唔算大，等嘢飲嘅時候見到火龍果雲朵沙冰嘅製作，真係同佢廣告牌講嘅一樣，有落足一杯乳酪架！等左一陣嘢飲就到手了，望住火龍果雲朵沙冰咁火紅嘅顏色，白色嘅乳酪真係好似一舊舊白雲咁好靚，真係唔飲得都睇得。飲第一啖未飲到啲乳酪，入口嘅係火龍果清新嘅甜味，再飲一啖有乳酪酸酸嘅味道，配合得真係好好！無論咩時候飲，除左係視覺享受之外，都係味覺享受，心情都即刻靚左😊推介火龍果雲朵沙冰，打卡必點！或者都可以嚟試下其他鮮果飲品丫！👍🏻樂法 • 我的快「樂」「法」門 ❤️