好好點心飲茶專門店•椰子雞煲專賣店

營業中

休息中

估唔到呢間舖頭有得食椰子雞，點心 ，煲仔飯同埋啲港式小炒。今日做嘢經過就嗌咗啲點心嚟食首先一坐低，侍應會首先叫你揀一壺茶，然後呢度比較特別嘅地方，就係可以俾你自己沏茶。熱水壺係側邊都會比你自己煲水。點心方面都有好多選擇，我就叫咗紅米蝦腸，金錢肚，燒賣，同埋鳳爪。每樣點心都好好味，而且份量都幾大下。煲仔飯方面，我就叫咗臘腸滑雞煲仔飯估唔到真係用明火煲㗎食落去仲有飯焦，超級入味，價錢都算合理60幾蚊就有一個煲仔飯。