影片
更多
2021-10-18
495 瀏覽
今次黎到呢間都幾多人推介既泰式燒烤店食串燒, 舖頭細細座位唔多, 去到又係咁啱俾我地坐左最後一枱, 真係好好彩😂 除左串燒之外, 呢度仲有其他泰國小菜, 不過我地之後要去其他地方繼續食, 所以今次只係主攻串燒🍢 呢度既串燒大約有14款, 堂食最少要叫6串, 基本上都係即叫即燒, 所以等既時間要耐少少 🤏🏽 除左雞翼之外, 所有既串燒我地都係share黎食, 咁就可以試到多啲唔同既款式🤟🏽 以佢既知名度黎講我覺得價錢貼地, 而且仲係正宗泰國人主理嫁😚 泰式燒雞翼🐓($15)燒雞翼係無論食咩菜式見到都會想叫, 特別係食串燒既時候, 雖然食既時候係有啲麻煩, 但係都會好想食😂 雞翼熱辣辣燒起, 雞皮邊燒到少少脆, 肉質嫩滑, 最緊要係唔會有過多既調味食完都唔會覺得好口渴🙂泰式豬頸肉🐷($13)食泰國野又點少得豬頸肉呀, 燒到燶燶地特別香口, 再點埋個泰式辣醬, 真係停唔到口😋泰式燒雞腎🐔($13)雞內藏我只吃雞腎, 貪佢夠爽脆有口感, 調味唔多, 所以點個泰式辣醬食味道剛剛好👍🏽泰式燒墨魚丸🦑($15)墨魚丸燒得燶左少少, 不過夠爽口彈牙, 而且大大粒, 所以係滿足既🥰
泰式燒魚餅🐟 ($1
今次黎到呢間都幾多人推介既泰式燒烤店食串燒, 舖頭細細座位唔多, 去到又係咁啱俾我地坐左最後一枱, 真係好好彩😂 除左串燒之外, 呢度仲有其他泰國小菜, 不過我地之後要去其他地方繼續食, 所以今次只係主攻串燒🍢 呢度既串燒大約有14款, 堂食最少要叫6串, 基本上都係即叫即燒, 所以等既時間要耐少少 🤏🏽 除左雞翼之外, 所有既串燒我地都係share黎食, 咁就可以試到多啲唔同既款式🤟🏽 以佢既知名度黎講我覺得價錢貼地, 而且仲係正宗泰國人主理嫁😚 
泰式燒雞翼🐓($15)
燒雞翼係無論食咩菜式見到都會想叫, 特別係食串燒既時候, 雖然食既時候係有啲麻煩, 但係都會好想食😂 雞翼熱辣辣燒起, 雞皮邊燒到少少脆, 肉質嫩滑, 最緊要係唔會有過多既調味食完都唔會覺得好口渴🙂
泰式豬頸肉🐷($13)
食泰國野又點少得豬頸肉呀, 燒到燶燶地特別香口, 再點埋個泰式辣醬, 真係停唔到口😋
泰式燒雞腎🐔($13)
雞內藏我只吃雞腎, 貪佢夠爽脆有口感, 調味唔多, 所以點個泰式辣醬食味道剛剛好👍🏽
泰式燒墨魚丸🦑($15)
墨魚丸燒得燶左少少, 不過夠爽口彈牙, 而且大大粒, 所以係滿足既🥰
泰式燒魚餅🐟 ($13)
魚餅好大塊, 食到泰式香矛味道埋魚肉既彈牙口感, 係正既😎
泰式燒珍寶腸🌭($15)
珍寶腸都係燒烤必食, 話明係珍寶腸當然係超級大條啦, 又係滿足的一餐🤓
呢間燒烤店唔會令到你哇一聲, 但係起碼佢唔會落好多調味料令到食完覺得好鹹咁, 主要都係俾你點個泰式魚露或辣醬去論調教自己鐘意既味道🙂 我食野既期間都見到有唔少街坊黎買外賣, 大部分都係買串燒, 所以今次真係冇揀錯,大家黎開九龍城既調話可以試一試佢🤩
張貼
