小方糖甜品 (龍崗道)

營業中

休息中

時常嚟九龍城食甜品嘅我吔當然試過唔少甜品舖，好多時都係食糖水，呢晚想試試其他，就揀咗小方糖，選擇多，座位又唔會太迫。九龍城少有甜品舖有榴槤甜品供應，嚟到呢度當然揀榴槤嘅，幾款中最後揀咗留戀天使，因為佢有榴槤肉，榴槤汁，仲有水晶珠同雲呢嗱雪糕，唔鐘意食小丸子嘅我就要求走小丸子。入口好夠榴槤味，榴槤肉亦唔少，有近雞蛋般大嘅份量。幾樣材料好夾，又唔會太甜或太滯。朋友就叫咗個椰皇蛋白蓮子燉雪燕，好足料，可惜椰皇嘅肉唔太新鮮，挖出嚟比較硬。