泫居酒屋

營業中

休息中

本鮪壽司盛($248)，三個等級既拖羅壽司，加吞拿魚蓉軍艦，由下至上逐件食，味蕾好清晰分別到三個唔同層次口感，大拖羅色澤呈鮮粉紅，好靚，入口即溶軟綿綿，無筋而且油脂最多，中拖羅都好肥美，都保持到入口即溶。松葉蟹肉蟹子沙律($88)，平時沙律主要係青瓜、蟹子、沙律醬，但今次這菜式加入埋蟹肉絲，配搭上好夾。牛舌芯($68)，有厚度，食落更爽口彈牙，而且舌芯係整條牛舌最重油脂既位置，牛既羶味也會較濃郁。蘆荀豚肉卷($42)，豚肉燒到能保持肉汁唔乾身，而且帶點油脂，配埋蘆筍既爽口口感，兼且可以解一解口腔內既油膩感，兩者混合一齊食好夾。秋葵($32)，經燒過既秋葵，內裏滑溜溜既感覺都減少左，食落較易入口。豚肉日式炒烏冬($118)，炒得入味，配料亦夠足，豚肉份量有好多片，而且每片都有附帶著少許脂肪，食落口感上唔會"鞋"口。