李輝記牛欄

營業中

休息中

打邊爐唔使諗， 我會買3號或者4號嘅牛肉（ 牛頸脊） ， 看似價錢有少少貴， 但係質素絕對高。 基本我屋企基本上都每一個星期打一次邊爐， 同埋早上係會用靚牛肉煮通粉或者烏冬比小朋友做早餐。 最鍾意食牛柳邊、大腩包、4號、再加埋黑椒牛筋丸同埋牛柏葉， 自製一個超級牛肉拼盤😉包裝企理唔再講， 老闆娘解釋永遠都正確， 買咗好多年從來都冇試過一次係伏嘅， 完全高質牛肉⋯⋯識食嘅唔使問咁多、 未試過可以試多啲唔同嘅部位☺️唔係住開附近嘅可以一次過買多啲⋯⋯放定喺冰格， 隨時攞出嚟都可以有高質牛肉招呼朋友一齊食😏已經幫襯咗超過10年， 佢哋起初係喺荃灣開舖㗎， 後來就搬咗嚟九龍城， 隔離另外一檔叔叔嘅牛肉檔都係佢哋嘅聯營， 不過冇買開嘅就未必知。 通常我買牛腩就喺叔叔度買， 買打邊爐需要唔同嘅部位切得靚啲呢同埋包裝好啲就係返呢度。