金滿海鮮酒家 (已結業)

成日聽聞九龍城好多好野食，但平日冇乜幾可過黎，今次難得過黎搵朋友，所以就梗係探索下有咩美食，朋友話呢間既潮州野唔錯，於是我地就決定試下。由於朋友食過呢間，唯有等佢發板 (因為其實我都唔熟潮州野)°但唯一比較認識既潮州野就係凍蟹啦，食潮州野冇可能唔食!!!一黎到。。正呀，好大隻蟹，可能廚師幫我地整鬆左d 殼，所以d 蟹係好易食，唔駛用鉗都得，d 蟹好多肉，肉同殼唔會太痴，肉質感岩岩好，而且凍蟹最大既賣點就係蟹肉夠鮮甜，點小小醋食會更加正。梅子骨勁正，烤得熱辣辣而且肉質不會太un，最正係個醬汁，很有梅子味道、甜甜的帶有一點甘甘的微酸味，呢道餸超級適合配飯食，我地即刻order 兩碗白飯。 星班球黎果陣已經去左骨，肉質很滑，十分新鮮，一點雪藏味也沒有，最重要係份量一點也不孤寒! 都係大大塊。而我係今日先認識蒜芯，幼幼的，外表似露荀而口感似菜心，十分爽口，而由於星班既關係，令到蒜芯都充滿魚香鮮味，食到停唔到口。 好戲當然係最後，呢個泡飯係成晚既焦點! 食落既feel 同蠔仔粥差唔多，首先，份量方面，一睇就知，大大煲夠幾個人食，而且充滿九肚魚，用料很足，所以你睇張相見到成碗野都係白白地黃黃地色。