金滿海鮮酒家 (已結業)

九龍城覓食小隊今日又再次出動！亂闖亂入嘅我地今日就去咗間之前無咩見過而評語又幾好嘅海鮮酒家試試呢間酒家係出面係睇唔透入面嘅情況，原來入面都坐得幾寬落同舒適唔知係咪開咗無耐，地方都好新好乾淨希望之後一直keep到啦！我地得三條友又叫唔得多。唯有叫三餸一粥醫肚！第一道上枱嘅喺。。。潮州龍蝦飯，就噤睇呢個龍蝦嘅肉真係可以當飯食平時啲龍蝦仔點會有噤好肉？呢個其實有啲似潮州嘅凍蟹食法，凍凍地點埋個紅醋或黑醋食！噤食法係完全保留到龍蝦味，肉質爽加埋啲醋吊味，就真係very good喇呢個蒜心炒星斑球，要俾係因為斑球肉質鮮嫩唔鬆散，食落魚肉彈牙，絕對唔係雪藏貨！加上好小可食到蒜心，好鬼爽口之後可以話係一斑兩味嘅豉油皇煎焗星斑腩都嚟埋，同豉油煎香再焗又係另一種食法，食落野味，如果可以多啲魚肉就更好 最後出埋個九肚魚泡飯，全餐最欣賞嘅一道九肚魚全部拆骨起肉，加入魚湯再煲湯底濃稠，白白黃黃嘅魚湯吸入所有精華同魚味九肚魚魚身滑嫩，啖啖肉嘅感覺真係好！每人起碼食咗三大碗，盡興呀