Oslo (已結業)

今日同朋友嚟到九龍城食Lunch，去到OSLO，門面好吸引，再睇睇門口嘅餐牌，朋友都覺得幾啱食，於是就入左去喇！OSLO有Set Lunch Menu，包括一碗湯，一個主菜同一杯飲品（奶昔同花茶要另加$18）。我同朋友叫左一個忌廉煙三文魚意粉，一個香草忌廉煙肉意粉。飲品方面我叫左焦糖朱古力，朋友叫左薄荷朱古力。煙三文魚卷成花形，賣相都已經好掂。意粉食落好creamy，而且硬度煮到啱啱好。煙肉意粉有驚喜，食落好香三色椒嘅味。整體嚟講以咁價錢食物質素真係值得一讚！加上主菜份量都好多，見到有唔少男士都嚟食。認真推介！