French Lab (已結業)

今日嚟到九龍灣工業大廈附近食lunch，呢間隱藏喺工廈嘅法國餐廳真係好隱蔽，真係唔係睇OpenRice都唔知有呢間西餐廳，裝修環境都幾好㗎，食物真係好高質！真心食咗咁耐法國餐呢餐係又抵又好食！🍴油封鴨髀太陽蛋配黑松露意大利飯 $108 另收加一 (9/10)鴨髀外脆內軟，皮嘅油脂豐富，非常鹹香，鴨肉好淋好香，軟到食到一絲絲。意大利飯比較偏淋身，好香濃黑松露味，好出，加埋蛋汁更加香，食到好多野菌，好好食。🍴牛骨髓牛肝菌肉醬配闊條麵 $118 另收加一 (10/10)牛骨髓牛味好香濃，比較油香，雖然都幾油膩但好好食！好少見到餐廳有牛骨髓🤣闊條麵比較淋身，比較薄，但都好掛汁，牛肝菌嘅味道好香濃，仲有少少肉碎，加埋百里香嘅香草味，層次都幾豐富，撈埋啲牛骨髓真係更香口更好食！推薦指數: 9.5/10真心百零蚊呢個質素真係物超所值，小店高質素有誠意，真心係近期食過最好食嘅西餐😆環境舒適店員都好友善，好好人！星期日同公眾假期係唔開門㗎！