影片
更多
2023-01-30
977 瀏覽
話說疫情咁耐未同囡囡大搞過生日，諗住book間好啲靚啲嘅比囡囡搞生日，咁我搵到尼間餐廳，是是正正，就問下啦。嗰時諗住book晏晝，間野係咁催我落訂又成，點不知想落訂先同我講得返夜晚兩個鐘，我都照訂啦，諗住開開心心，收我$13000 ，30個人，心諗應該都唔差啦，最後我加多左七位佢話加錢，我都OK照加。.之前已經WhatsApp佢同佢講，話我會佈置佢哋都冇乜反應，然後去到先同我講話要收清潔費$500，都唔緊要，我已經提前同佢哋講過我要佈置可唔可以比半個鐘我，然後我去到佢就話唔可以，淨係可以俾多15分鐘我，都ok我明白人地都係做生意，我book嘅時間係七點至九點，我搞掂佈置7:15，個員工已經過嚟同我講，你哋最好切咗蛋糕先，同埋廚房8 點last order，我book七至九，我都係坐低15分鐘姐，同我講咩last order呀？個班師奶員工完全好趕住走咁，嗰陣小朋友都係玩咗15分鐘，然後我哋就要上菜，佢有前菜、主菜、有個湯，講真一句我就冇食過，因為我太忙，但我啲朋友同我講最好味係個湯其他嘢完全食唔落，全程食嘢起碼有六七個員工企咗響度望住你食，完全覺得好有壓迫咁，食食下野，佢已經要上蛋糕
嗰時諗住book晏晝，間野係咁催我落訂又成，點不知想落訂先同我講得返夜晚兩個鐘，我都照訂啦，諗住開開心心，收我$13000 ，30個人，心諗應該都唔差啦，最後我加多左七位佢話加錢，我都OK照加。
.
之前已經WhatsApp佢同佢講，話我會佈置佢哋都冇乜反應，然後去到先同我講話要收清潔費$500，都唔緊要，我已經提前同佢哋講過我要佈置可唔可以比半個鐘我，然後我去到佢就話唔可以，淨係可以俾多15分鐘我，都ok我明白人地都係做生意，我book嘅時間係七點至九點，我搞掂佈置7:15，個員工已經過嚟同我講，你哋最好切咗蛋糕先，同埋廚房8 點last order，我book七至九，我都係坐低15分鐘姐，同我講咩last order呀？個班師奶員工完全好趕住走咁，嗰陣小朋友都係玩咗15分鐘，然後我哋就要上菜，佢有前菜、主菜、有個湯，講真一句我就冇食過，因為我太忙，但我啲朋友同我講最好味係個湯其他嘢完全食唔落，全程食嘢起碼有六七個員工企咗響度望住你食，完全覺得好有壓迫咁，食食下野，佢已經要上蛋糕，然後佢上左我個蛋糕係無蠟燭既，問左一個員工幫我拎一支蠟燭，佢俾咗一支煙花蠟燭我，正當我諗住擺落個蛋糕度既時候，有一個員工一手搶佐我手上嘅蠟燭話支蠟燭係佢哋自己既，我哋全部人當堂呆咗，我心諗收我萬幾蚊，一支蠟燭唔使死呀嗎？同埋佢哋真係好冇禮貌囉，你正常一個人唔會響個客人面前搶番支蠟燭掛，好似我拎咗佢錢咁。
.
咁我買咗個卜糖嘅盒，俾小朋友玩，然後個員工第一時間衝過黎問入邊有冇彩紙㗎，有要收多$500清潔費，我心諗你哋係咪咁等錢洗呀？你收我$13000，你個場又唔係大，係咪擺明老屈㗎，好彩我個盒無彩紙姐。如果唔係已經收$500清潔費，仲要再收多$500清潔費比彩紙？？？我真係未聽過第二度會咁收法。
.
我見佢哋咁趕咁，我就問佢地可唔可以加時，佢話唔可以因為佢要交番個場定唔知點樣其實我唔係好明，無得加唔緊要，但個重點佢無比完全兩個鐘我囉！
.
8:40個餐廳開廣播話叫我哋要離場清潔，下？！我訂嘅係兩個鐘喎，佢哋當初冇同我講呢樣嘢，啲小朋友先啱啱玩完所有嘢開始玩佢哋個波波池，我真係唔知點解佢哋要咁樣趕客，咁我哋又嗱嗱臨執埋啲嘢走啦，最後埋單，我係賣咗$17000再加$500清潔費，講真一句真係唔係好開心囉，比咁多錢俾啲咁嘅服務我，我都預咗啲嘢食唔係好味㗎喇，唸住小朋友開心就算..結果係大人細路仔都好唔開心囉！
.
‼️‼️‼️
「我都未同你地講$17000+$500，唔係包場架！途中仲有其他小朋友入嚟玩架。」
‼️‼️‼️
最失望佢哋係無Service，想喺呢度搞生日party嘅話，話俾你聽可以睇過第二間，如果唔係你哋一定後悔！
張貼