影片
更多
2023-08-10
142 瀏覽
暑假期間經常帶小朋友周圍玩。上OpenRice見到呢間餐廳有得食有得玩，就同佢哋講呢間餐廳幾正幾好玩，興高采烈一齊出發。好可惜有一位年約60嘅亞姐，長期躁底。我覺得佢叫人哋唔好喺玩樂區食嘢，同埋唔俾人攞玩具入廁所都係啱嘅，但係態度可以好些。但亦唔俾小朋友攞住啲玩具周圍走，小朋友玩車車又叫佢哋要泊返好。然後自己執嘢又粗粗魯魯，執到蹦蹦聲，覺得人哋整亂佢啲嘢，一副嫌棄咁嘅樣。其實我有個疑問，佢呢間餐廳好明顯係target 1-6歲小朋友，試問這個年齡嘅小朋友又點可以玩玩具得來keep住好整齊呢？其實總括啲嘢食都OK，除咗呢個阿姐之外，其他員工都幾好。好可惜我哋今日遇到佢。我啲小朋友返到屋企話以後唔去呢度玩，仲話自己第時生咗啲小朋友都唔會帶佢哋嚟。本身有諗過打去投訴反映下嘅，但係嗰條友其實有啲似老闆娘，或者老闆個阿媽咁樣。估計投訴都係廢，所以忍唔住上嚟打篇嘢話俾大家聽。另外，波波池同廁所衛生都一般般。環境又細，交通已經不太方便，咁嘅服務繼續落去一定捱唔到。完。
好可惜有一位年約60嘅亞姐，長期躁底。我覺得佢叫人哋唔好喺玩樂區食嘢，同埋唔俾人攞玩具入廁所都係啱嘅，但係態度可以好些。但亦唔俾小朋友攞住啲玩具周圍走，小朋友玩車車又叫佢哋要泊返好。然後自己執嘢又粗粗魯魯，執到蹦蹦聲，覺得人哋整亂佢啲嘢，一副嫌棄咁嘅樣。其實我有個疑問，佢呢間餐廳好明顯係target 1-6歲小朋友，試問這個年齡嘅小朋友又點可以玩玩具得來keep住好整齊呢？
其實總括啲嘢食都OK，除咗呢個阿姐之外，其他員工都幾好。好可惜我哋今日遇到佢。我啲小朋友返到屋企話以後唔去呢度玩，仲話自己第時生咗啲小朋友都唔會帶佢哋嚟。
本身有諗過打去投訴反映下嘅，但係嗰條友其實有啲似老闆娘，或者老闆個阿媽咁樣。估計投訴都係廢，所以忍唔住上嚟打篇嘢話俾大家聽。
另外，波波池同廁所衛生都一般般。環境又細，交通已經不太方便，咁嘅服務繼續落去一定捱唔到。完。
張貼
