阿公 (已結業)

同阿女去同一商場嘅Maba Land玩，因為未食午飯，中途"鼠"岀去食個tea，偶然發現樓上有間新開(應該係)嘅潮州餐廳《阿公》，叫左個下午茶餐嘅潮州炒飯，諗住都係一般行野楊州炒飯之類…上到枱，無錯，就係楊州炒飯咁樣囉！巡例先聞下，有微微嘅蝦醬香味，飯亦炒得恰到好處，乾濕度適中，配料有蝦仁，蛋，芥蘭粒，咸豬肉等，蝦仁不過不失可以不提，重點係個咸豬肉，好夠味，咸香之餘，口感岀奇地好，原因應該係佢果片咸豬肉係有軟骨黐住，唔知係咁啱得咁橋定個廚師專登，如果係後者，咁呢個廚都相當有心思。食完，臨走再望下佢個menu, 見到有清心丸綠豆糖水，果然幾正宗，即刻叫返碗外賣拎走先！