韓食家 (已結業)

去開megabox行街，行到肚餓，於是決定係megabox食埋飯，但係無餐廳啱食，行行下落咗6樓見到呢間韓食家，個女又鍾意韓國食品，於是試下。睇吓個餐牌，多數係韓燒同埋石頭飯。韓燒有套餐，套餐抵過散叫，於是叫咗兩個餐，一個係豬肉，另一個係海鮮，可選三種醬料，初初以為有三款醬比你点來吃，原來係一早醃咗落啲青口，豬肉裏面。所謂嘅海鮮套餐，其實得少少貝肉，青口，多春魚。套餐可以用優惠價加石頭飯，石頭飯味道唔錯，韓燒都滿意。最後埋單，經理送咗包年糕比我哋試，整體對此餐廳都好滿意。