La Casa Burger & Pasta (豐隆工業大廈) (已結業)

喺九龍灣返工，日日食粥粉麵飯，有時都想扮吓「西人」，上去Openrice轆呀轆，就卑我見到原來之前喺上環食過嘅La Casa Burger，喺九龍灣開咗外賣專門店。再望吓google map，就喺億京對面嘅豐隆，都唔喺好遠，於是就即刻落單。門口有水牌。記得上次食過佢嘅麻辣雞堡，上手熱辣辣，好惹味仲夠晒麻。今次我就揀咗好似係招牌嘅西冷水牛芝士包，跟著配返兩隻麻辣雞翼同熱茶。行到上去，門面都算容易揾，而我個「西人套餐」已經Pack好等我攞。返到OFFICE，開封食落有啲驚喜。又香又軟熟的西冷Juice到爆，用水牛芝士整漢堡，造出咗好正嘅拉絲效果，雞翼都好鬼惹味。紙袋有隻個樣好賤格的漢堡BB, 好易認。開箱啦。水牛芝士拉絲強勁。惹味麻辣雞翼。大合照~~~Say Cheese !當然，九龍灣得外賣，無得坐喺到慢慢嘆，喺差咁啲嘅，不過其實我都好耐無食過堂。