上海么鳳 (裝修中)

去到九龍城,見到有間么鳳,我唔知係咪同銅鑼灣呢間一樣,但係記得呢個名,係出名既店子,所以買番d小吃番去食下…想食酸酸地既野,所以買左檸汁薑,點知發現唔好食,因為原來真係幾薑,檸汁係蓋唔住薑味既!不過,我話吾好味呢,呢個應該係個人口味問題,喜歡薑既人可能覺得好好食,所以我唔敢話佢唔好。屋企人鍾意杏脯,所以又買少少番去試下,我既感覺係:「咪又係咁」,唔覺有咩特別。對於我黎講,呢間店子人人都話出名,但係我覺得不外如是,味道同平日係街市或者超市買既零食味道差唔多,或者係我唔識食卦!加多句,個阿叔又幾好人,見佢都好老下,但係會幫你係高櫃度攞你想買既野落黎,真係見到佢咁,都有少少「牙煙」!