影片
更多
2010-03-22
38 瀏覽
餓了十幾日食減肥餐單，略有小成，今日終於都出關，當然係食番餐好既﹗夜晚同友人一行四人去左呢間佢地介紹既同心泰國菜館食番餐。九點來到，人客未算多仍有位，地方企理，見佢門口有玻璃窗睇到廚房工作，入面0的燒雞同燒魚一隻隻一條條掛哂出來，見到都想食﹗難得放監，想食咩就叫咩，是日無生蝦食有0的失色，要了冬蔭公、泰式木瓜沙律、燒雞半隻、炸蝦餅、咖哩配蒜蓉包及原隻燒魷魚。冬蔭公用細隻既大頭蝦煮成，入面大大話話有六七隻大頭蝦仔，入口夠酸，蒜味重，可能第一樣來到就飲辣野關係，辣得渾身是汗。眾多食物中，食家話燒雞最好食，燒得外皮夠乾身脆口，食落有陣陣烤香，雞夠大隻多肉，肉質不o鞋口，十分鐘內見食家吃了成三四件，個個爭住食，一陣就無哂﹗木瓜沙律紅紅的，加人吃一口辣到標哂汗，木瓜絲未算十分爽口，如更新鮮會更脆更好食﹗蝦餅炸得脆口彈牙，蝦味足，脆漿夠薄又香口，蘸少少甜酸醬同吃惹味﹗我地幾個都好鍾意食咖哩，呢間泰菜有樣好就係可以單叫咖哩配蒜蓉包，唔洗特登又要叫個蜆叫個牛但其實只想食咖哩，妹仔大話主人婆。咖哩濃稠，蛋味重，入面盡是洋蔥及香草，咖哩掛在蒜蓉包同吃真有化腐朽為神奇之效，最後蒜包叫了兩客，成碗咖哩食哂﹗燒
夜晚同友人一行四人去左呢間佢地介紹既同心泰國菜館食番餐。
九點來到，人客未算多仍有位，地方企理，見佢門口有玻璃窗睇到廚房工作，入面0的燒雞同燒魚一隻隻一條條掛哂出來，見到都想食﹗
難得放監，想食咩就叫咩，是日無生蝦食有0的失色，要了冬蔭公、泰式木瓜沙律、燒雞半隻、炸蝦餅、咖哩配蒜蓉包及原隻燒魷魚。
冬蔭公用細隻既大頭蝦煮成，入面大大話話有六七隻大頭蝦仔，入口夠酸，蒜味重，可能第一樣來到就飲辣野關係，辣得渾身是汗。
眾多食物中，食家話燒雞最好食，燒得外皮夠乾身脆口，食落有陣陣烤香，雞夠大隻多肉，肉質不o鞋口，十分鐘內見食家吃了成三四件，個個爭住食，一陣就無哂﹗
木瓜沙律紅紅的，加人吃一口辣到標哂汗，木瓜絲未算十分爽口，如更新鮮會更脆更好食﹗
蝦餅炸得脆口彈牙，蝦味足，脆漿夠薄又香口，蘸少少甜酸醬同吃惹味﹗
我地幾個都好鍾意食咖哩，呢間泰菜有樣好就係可以單叫咖哩配蒜蓉包，唔洗特登又要叫個蜆叫個牛但其實只想食咖哩，妹仔大話主人婆。
咖哩濃稠，蛋味重，入面盡是洋蔥及香草，咖哩掛在蒜蓉包同吃真有化腐朽為神奇之效，最後蒜包叫了兩客，成碗咖哩食哂﹗
燒魷魚夠哂大隻，魷魚軟熟有o趙口，彈牙美味，當然最後一件不留。
吃了如此多，埋單才最發覺這兒的可愛，只係$350，雖然今晚我地無叫酒，不過四個人一人都唔洗一百，三個抵抵抵﹗
減肥難，增肥卻極易，面對世間如此美好的食物，諗番呢兩個星期減肥辛酸，個心都總有0的戚戚然。
不過人一世物一世，都係食左先算，與其暴殄天物，倒不如鯨吞天下。
張貼
