小肥雞 (已結業)

原本約左朋友出九龍城食泰國野，點知星期六滿座，出面又熱唔想等位，於是係附近就比我發現左呢間雞煲，間野岩岩開張所以唔洗等位就有得食，lucky間野有d兩人卡位座，有部獨立電視，睇落去好正，最衰已有人坐緊。講返d食物，試左店員推介ge小肥雞煲(中辣)，我覺得個雞煲好好食，d雞好入味，我最怕出面食個d得個雞皮有味，d肉就淡到白灼咁。食雞煲個時記得要點埋佢地支竹蔗水，好飲，不過漏左影相。食完雞煲打邊爐，佢地新開張做緊$1有碟本地手切肥牛，都唔算小，但一碟又點夠啊，立即order多碟大ge，呢間野有幾樣火爐料係必試ge，麻吉燒，手打牛肉丸同炸響鈴(新鮮炸，整到細細件一啖一件)，其他都係平時打邊爐個d，d料都算新鮮，間野仲有得食串燒，不過個肚己full，下次先試啦。