影片
更多
2022-05-31
39 瀏覽
九龍城極高質Omakase - 鮨勝平時黎九龍城都係食泰國菜，估唔到呢度有間新開既omakase，仲要係非常高質，推介⭐⭐⭐⭐⭐餐廳omakase有3個選擇, 分別有:SU:$980(15枚) SHUU:$1280(15品) KATSU:$1680(22品)當日選左SHUU - 秀首先介紹前菜＆刺身前菜：-慢煮鮟鱇魚肝鮟鱇魚肝被稱為「海底鵝肝」，口感好似鵝肝 但比滑嫩。我覺得佢甚至好食過鵝肝。不過鮟鱇魚都係最醜既魚，建議唔去自己去seaech佢個樣。慢煮鮟鱇魚肝加上橙皮、wasabi 、醬汁，味道調得好好。刺身：-日本室津生蠔加左少少特制醬料同四季紅，加上生蠔本身海水味，都幾夾。-紫洋蔥煙燻鰆魚鰆魚經過煙燻 有陣煙香味，魚外皮燒過好香脆 而魚肉好嫰滑，另外加上自家醬油＆洋蔥。-秋刀魚第一次食秋刀魚既刺身，而且呢個味道同平時食既秋刀魚好唔同，非常喜歡。外皮燒得好香，好重魚味。塊楓葉唔單只伴碟靚，同秋力魚一齊食都好夾。-大拖羅係熟成14日既大拖羅，熟成既工序繁複，味道會比新鮮魚既魚味更濃郁，另外配上芥末籽 紫蘇花，增加味道層次。-炸金鯛將魚鱗炸到企哂係度 好香脆 ，而魚肉保持新鮮嫰滑，只要
平時黎九龍城都係食泰國菜，估唔到呢度有間新開既omakase，仲要係非常高質，推介⭐⭐⭐⭐⭐
餐廳omakase有3個選擇, 分別有:
SU:$980(15枚) SHUU:$1280(15品) KATSU:$1680(22品)
當日選左SHUU - 秀
首先介紹前菜＆刺身
前菜：
-慢煮鮟鱇魚肝
鮟鱇魚肝被稱為「海底鵝肝」，口感好似鵝肝 但比滑嫩。我覺得佢甚至好食過鵝肝。不過鮟鱇魚都係最醜既魚，建議唔去自己去seaech佢個樣。
慢煮鮟鱇魚肝加上橙皮、wasabi 、醬汁，味道調得好好。
刺身：
-日本室津生蠔
加左少少特制醬料同四季紅，
加上生蠔本身海水味，都幾夾。
-紫洋蔥煙燻鰆魚
鰆魚經過煙燻 有陣煙香味，魚外皮燒過好香脆 而魚肉好嫰滑，另外加上自家醬油＆洋蔥。
-秋刀魚
第一次食秋刀魚既刺身，而且呢個味道同平時食既秋刀魚好唔同，非常喜歡。外皮燒得好香，好重魚味。塊楓葉唔單只伴碟靚，同秋力魚一齊食都好夾。
-大拖羅
係熟成14日既大拖羅，熟成既工序繁複，味道會比新鮮魚既魚味更濃郁，另外配上芥末籽 紫蘇花，增加味道層次。
-炸金鯛
將魚鱗炸到企哂係度 好香脆 ，而魚肉保持新鮮嫰滑，只要配喜馬拉亞山海鹽＆青檸已經好好味，
上面紅白色個條係薑芽，應該係用黎僻味。
壽司:
總共有6款：
-真鯖魚
-梭子魚
-煙燻鱈魚
-熟成14日赤身吞拿魚
-魷魚
-富山灣蝦
每一件壽司都感受到師傅既用心制作，對食材既執著 非常新鮮，對味道既鑽研 有獨特性。
熟食:
-磯煮南非鮑魚
好大隻既名貴南非鮑魚，煮左3個鐘，味道相當濃郁鮮甜，咁大鮑魚大約分到5-6人份量。
鮑魚就咁食已經夠好味 夠鮮甜，亦都可以配鮑魚肝醬。
-大硯濃汁茶碗蒸
加入大硯濃汁做既茶碗蒸，蛋蒸得好香滑
上面加埋三文魚子，咸咸地更加提鮮。
-蔥吞拿魚蓉手卷
吞拿魚蓉份量算幾多 入面有蔥花＆芝麻，食完好飽。
-蟹肉豆乳湯
師父話係用蟹殼熬製，再加入少少牛奶，令口感更嫰滑。湯裡面有 蟹肉+魚肉製成既魚蛋，入面有好多蟹肉 好彈牙。
-江戶前玉子
外形點睇都係一件蛋糕，但呢件''蛋糕'' 係用蟹肉 蝦肉 蛋黃 製成，係冇加麵粉，口感好似蛋糕＆玉子之間，
另外有份鮮味，幾特別。
-水果：
北海道赤肉哈蜜瓜 ＋ 和歌山刀根柿
唔洗講都知北海道赤肉哈蜜瓜係超香甜多汁，
而刀根柿外表黑黑地好奇怪，但好香甜。
張貼
