隆姐泰國美食館

營業中

休息中

最近同朋友去咗九龍城一間泰國餐廳～ 多嘢食揀得嚟，味道仲好正。我首先試咗個青咖喱配飯，咖喱好濃郁，唔會太稠，啲材料新鮮，淋喺飯上面一流，真係一啖接一啖停唔到口。之後叫咗個泰式拼盤，有炸蝦餅、泰式春卷同炸肉丸。炸蝦餅唔係嗰啲鬆脆嘅口感，反而好紮實，蝦味好濃。春卷又香又脆，炸肉丸有啲香料嘅味道，幾特別。再嚟就係豬肉生菜包，豬肉炒得好嫩，仲可以用生菜包住嚟食，清清爽爽，又唔會覺得膩。冬陰功湯係必點，酸辣味調得啱啱好，飲完好爽口，暖胃又開胃。最後仲有個炒蝦金邊粉，蝦好鮮甜，金邊粉唔會過油，味道又香又惹味，份量仲夠哂飽。