隆姐泰國美食館

營業中

休息中

好耐無食過泰國菜就係收工後，特登黎到九龍城逛逛點解要黎九龍城？！當然因為九龍城多泰國餐廳（仲係好多係泰國人自己開，更加有泰味）今次，就黎到隆姐泰國美食館。一入去，泰泰姐姐帶我地去後場位置坐低，因靠門口位置多是大枱，都坐滿人喇！之後同朋友一共點了4款食物：🥢椰青海鮮盅（咖喱類）不同海鮮（包捨：魷魚、蝦、青口）放在新鮮椰青中，另配上娃娃菜還有不能少了椰青肉😍混合黃咖喱，整個盅只有兩個字可說———鮮甜😆椰青肉十分嫩口，海鮮鮮味十足，喜歡吃咖喱但又不想吃辣，可以考慮吃這個❤️❤️❤️🥢蝦醬炒飯蝦醬炒飯是我一定會吃的泰食之一，所以來了這間，我一定會點。大家吃的時候，一定要幾樣配料一齊吃下去，肉鬆甜的、蛋蛋、飯（顆粒分明）、臘腸，雖然是炒飯，但不油膩，配上海鮮盅咖喱，我跟朋友都把飯吃光光😆🥢泰式飛天炒通菜通菜有幾個味道挑選（馬拉盞、辣椒膏、鹹魚、飛天）我們就挑選了飛天，配上蒜蓉、些許辣椒、泰式黃豆，炒在一起，有一點微辣，通菜很鮮嫩，十分好吃😋🥢醃海鮮沙津這道菜超級開胃，酸酸辣辣吃了就停不了，魷魚爽口很有咬口，鮮蝦夠新鮮，肉質有彈性不是軟軟的肉呀，拼起來是一道很好的開胃菜❤️P.s.大家喜歡吃泰國菜，就不要

搵位度：🌟🌟🌟好食度：🌟🌟🌟🌟抵食度：🌟🌟🌟🌟九龍城泰菜選擇多就唔使由我嚟通知大家。幾個巨頭入面隆姐都算屹立好多年，仲有兩間，我都幫襯咗好多年，貪佢食完有個西米露甜品仔。最推介叫邊幾樣嘢呢？燒雞燒魚燒雞翼可以不過要等半粒鐘一坐低好嗌，我鐘意蠔仔蛋，農夫包性價比之選。冬陰功湯河晚市都可以叫，三份一嘅價錢有冬陰功湯飲，又食得飽，必叫。以前芒果冰沙好飲，而家糖水太勁；鍾意嘅三色冰都唔錯。有朋友問我兩間邊間好食啲，我覺得差唔多，邊間有位去邊間。

💬 Openrice評價相當一般，但去到見到都坐滿就安心啲喇🤭 間鋪幾大，但坐得好逼，不過就可以慢慢坐唔趕你走～.首先要推介海鮮咖哩大包！！咖哩唔係好重香料/ 咖哩嘅濃烈味道，而係相當易入口，亦都唔辣，不過重點係個包，想講個包真係真係真係好出色！！🥹 出面超脆，而入面係厚身又勁鬆軟，沾埋啲咖哩食好正😍.小食拼盤正路嘢，熱辣辣即炸，我覺得入面最好食係冬蔭功魚餅！然後蠔仔蛋係見好多枱叫而望落幾好食就試吓，都唔錯炸得好酥脆！ 串燒同菜就都正常啦～ .整體嚟講嘢食都ok，上面呢度再加嘢飲，人均$151，為咗個咖哩麵包會翻撻再嚟🤤.P.S. 九龍城有2間分店，睇清楚book邊間唔好去錯😂

68蚊柚子沙律得勁少（如圖），感覺係38蚊既份量；炒濕河好似湯河咁上，唔知係咪泰國唔同地區既口味分別overall 九龍城有咁多間泰國野，尼間真係唔會係first priority

去九龍城搵嘢食，路過見到幾多人食緊，咁就即管入去試吓啦！點知一坐低就係惡夢開始，坐喺較入少少位置，衛生狀況超差，啲垃圾渣周圍放，阿姐用條勁污糟嘅枱布抹枱，抹完張枱勁污糟！叫咗8樣嘢食，其中兩個疑似漏單，隔咗成50分鐘，要催佢先嚟。食咗未夠一個鐘，啲嘢食因為佢遲嚟，都仲未食完，就已經催埋單，但我又唔見有人等緊位喎！返到屋企，人人口渴到狂灌水價錢唔算平，嘢又唔好食，衛生差，服務差，有人食真係奇怪，早知睇咗Openrice 食評先啦，原來咁多真實負評

平時見到門口咁多人等位，今次第一次試食，不過試一次，下次不了。份量少，味道又唔好食，職員服務態度又不好。我哋5:15pm堂食，一早已經叫芒果魚鬆沙律，催了幾次單，最後7:00pm已經食飽先到，芒果魚鬆沙律份量都好細份，味道可以。另外，豬肉生菜包，我第一次係香港見最細份，而且價錢一細碟係要$70。最後，值得一讚嘅係，佢會送一碗西米露糖水，但味道都係一般，不過免費就不得評論。

之前食過總店，覺得個肉碎炒飯ok 所以今次再食， 但今次喺入咗隆姐另一間店， 位置喺宋王臺站B3出口旁。叫咗炸蝦餅，但唔脆份量偏少，似炸完好耐再上枱…炒河一般太濕&炒到有啲一pat pat….叫咗串燒，但唔夠香口，偏多汁，可以再香口一點得個湯比較正常服務有啲得一驚，落單時無啦啦比位女侍應燥底回應，只是正常對答都咁樣…之前喺九龍城食過咁多間泰國菜啲姐姐都好有禮貌未試過比人咁差體驗九龍城咁多泰菜， 無需要再幫襯！

Dining time（3:10pm late lunch）follow@wojengyea/@wo!正嘢 for more food info🐒 支持我哋發掘更多美食 😋每次都晏晝嚟食冬陰功炒飯，（溫馨提示🥁🥁）可以叫少甜少辣，因為之前舐過嘢，晤係太甜🍬🍬就係太辣🌶️🌶️。落完單會聽到廚師喺廚房即炒(Thai wok boy lol)，個飯唔算太濕，好足料包括草菇🍄、芫荽🌿、蔥、雞肉🐓、乾蒜🧄、辣椒籽🌶️，最重要係好香冬陰功味，好鬼死正！佢啲炒飯🌾粒粒分明，有咬口好好食，所以回頭咁多次。平時午餐佢會送碗湯🥣，不過今日佢哋員工食緊飯，所以可能唔記得咗。😂茶水佢個餐包汽水🥤，次次都飲可樂加冰。今次想飲杯熱奶茶☕️，以為佢沖港式俾我，點之沖咗熱泰式奶茶🇹🇭，好好飲，佢個杯茶仲要係走甜，比我自己落糖十分窩心。

心血來潮想食泰國菜 就諗住去九龍城 朋友介紹話呢間幾好食就試吓6點幾去到出邊勁多人等位 本身都諗住放棄 點知前邊嘅全部都係大枱 我哋三個人 咁啱等咗10分鐘就有張細枱 ☺️ 即刻叫咗個前菜 泰式生蝦 ⭐️⭐️⭐️⭐️新鮮同冇雪味個醬汁一流 上邊再加一個生蒜片 咬落去有辛辣嘅味道 又中和左蝦嘅鮮味 六隻啱啱好 每人兩隻🤣冬陰功湯⭐️⭐️⭐️味道偏酸 個人認為佢可以再辣少少 因為已經冇叫小辣 餡料都豐富 有菇，蝦，魷魚，蕃茄仔 炭燒豬頸肉 ⭐️⭐️⭐️⭐️燒得好好 唔會太乾 又入味又juicy 配合埋酸酸甜甜嘅辣醬 👍🏻生菜包 ⭐️⭐️⭐️⭐️份量好多 最後包曬啲菜 重剩少少肉碎佢揀嘅免治豬肉唔會太瘦 半肥瘦 食起嚟有啲油香 亦有豬肉香味 包菜或者撈飯一流 Pad Thai ⭐️⭐️⭐️⭐️⭐️呢個有驚喜 有時出邊食味道會偏酸或者偏甜 佢呢一間嘅味道調得啱啱好 幾合我個人口味炒得幾有鑊氣 裏面亦有蝦， 花生碎 ， 芽菜 ， 蔥 同埋一啲蛋， 唯獨是冇肉鬆 不過我本身就唔鍾意肉鬆所以對我來講係驚喜😂😂😂😂泰式炒通菜⭐️⭐️⭐️通菜略嫌老咗少少 味道亦都唔係太惹味我會覺得一般般 上菜非常快服務態度都唔錯 唔會因為多人就趕客同催落單 價

真係差咗好多👎🏻，記得以前食係ok的，一年冇食過，見咁耐冇食今次三個人去再食，碟菜真係每人夾一注就冇，其他菜份量又少又細碟，味道又淡，真係差咗好多，已經同以前不同了😌

又到九龍城搵泰國嘢食嚟到有兩間鋪嘅隆姐六點幾鋪內已坐滿八成咁好生意？金邊粉樣子有啲頹 味道都係一般串燒 得豬同雞 無牛札肉沙律 又係樣子有啲頹味道普通最好味嘅係芒果糯米飯整體嚟講 服務食物都麻麻上菜時間又有啲耐…Feel到隔離枱都一肚氣食緊至離開時門口都一路有人等食完嘅我充滿住疑問

傍晚同friend到九龍城食飯，冇揀平日食開嘅店，見到呢家隆姐熱鬧d，決定試嚇。但是上菜等咗好耐，味道又非常差。豬頸肉一股騷味，冇其他旺鋪好食。炸蝦餅憋憋d，入口味道普通，後味有股臭味。等菜等咗40分鐘，18:38入座，19:37一個超肥女適應已經擺咗張單到我嘅台，但係我地都冇叫買單。同埋張單有4蚊茶水費！有都唔緊要，但我d從頭到尾都沒飲過茶或者滾水。同個適應講點解要收4蚊又冇水飲，佢馬上拎壺水來話“你d飲啊”，又問佢我d冇叫買單，點解比張單，話因為見我d食完。我同friend感受好差，特登坐多陣，個肥x就一直在我d桌附近行來行去，仲大喊“食嘢大哂”“撲街”。開門做生意，你d服務又唔好，口味又咁差！真是祝聾姐生意興聾啊！2蚊茶水費賺大錢！

好耐冇食泰國菜 講到泰菜就一定要去九龍城試下🇹🇭約左朋友18:30食晚餐 係宋王臺站落車行去九龍城十分鐘都唔洗 一上番地面就見到好多間泰國餐廳 本身都冇諗定食邊間 一出去行過馬路就見到呢間隆姐泰國美食館坐滿人 行多幾間發現最多人食 所以我地都決定坐入去試下😉因為太多人幫襯既關係 枱同枱之間係有啲逼 同真係有啲嘈 我同朋友係全程都聽到隔離枱傾計 由入去到食完 成間餐廳都係坐滿晒人 生意真係好好亦都因為呢個關係 雖然泰國姐姐態度好好 但真係忙到不得了 除左落單外係無咩服務 朋友想叫多支飲品都係自己出去搵姐姐 因為舉手冇人應😂🙋🏻‍♀️❤️‍🔥《生蝦刺身 💸$88》生蝦超級新鮮 肉質爽口 配埋個酸辣汁 一流👍🏼❤️‍🔥《泰式炸蝦餅 💸$75/5pcs》5塊蝦餅切半 炸到熱辣辣上枱 香脆得黎又好濃既蝦味 係比較硬身少少既蝦餅 但我中意食 加埋個甜辣醬絕配❤️‍🔥《酸辣去骨鳳爪沙律 💸$65》酸酸辣辣好開胃 食唔停 鳳爪都算好多隻 爽口入味 但係沙律菜偏少 而且好碎 似伴碟多過沙律🥗❤️‍🔥《泰式青咖喱雞 💸$90 // 薄餅 💸$26/2pcs》青咖喱上枱個陣有個熱爐熱住 keep番個溫度 好香椰香同香

📍隆姐泰國美食館 (九龍城)放工好想去按摩，去得九龍城當然要食埋泰菜先喇想食嗰間當日冇開，咁岩呢間就係地鐵站出口位置於是就拎飛再去按摩店留個位先😌餐廳環境一般，座位亦比較迫，勝在套餐抵食-套餐A $270💰1.泰式冬陰功湯香料味好濃，入邊啲配料海鮮都好足入口酸辣惹味，大蝦食落都彈牙而且仲有個火爐仔一直滾住，呢個真係加分位2.泰式炒雜菜炒雜菜略嫌鹹左啲3.鹹魚雞粒炒飯飯炒得好乾身，粒粒分明食落鹹香十足，但唔可以連鹹魚食鹹魚粒勁鹹，我直頭係要挑走晒啲鹹魚4.酸辣去骨鳳爪鳳爪反而幾出色，好入味😋愈食愈辣，但酸酸辣辣好開胃停唔到口5.甜品係紫薯西米露，紫薯味都好出，但整體普通🤪-炭燒豬頸肉 $80💰個泰式汁唔夠好食，好重魚露味個豬頸肉外皮微微焦脆，肉質軟腍而且好入味，即使唔沾醬汁都夠味-燒雞翼x2 $36💰燒雞翼幾好食，外皮焦香脆脆地而且肉汁都保留到，咬落唔會好乾柴但個人覺得同個泰式辣醬又唔係好夾，唔沾仲好食😂

最近去九龍城食泰國菜，揀左隆姐見佢有兩間分店去咗多人排隊個間😛餐廳環境都幾大，空氣流通唔算逼夾，有幾張大枱七點幾都坐滿晒～幾熱鬧，但衛生有待改善，食物質素唔差，其中黃咖喱比較驚喜～食到最後見到其他枱有糖水送，但我嗰枱就無唔知係咪隨機送🤣🤣1️⃣泰式黃咖喱雞 $90依款黃咖喱雞黎到有熱爐保持溫度～細細煲都幾多材料～雞肉份量多～仲有薯仔、紅椒、青椒同埋洋蔥～黃咖喱味道食落甜甜地超香椰子味😋～雞肉唔鞋嫩口～如果薯仔再炆淋啲更佳，推薦～送飯一流😉2️⃣炭燒豬頸肉 $80炭燒豬頸肉食落幾juicy肉質幾彈牙～唔乾，配酸辣汁食落酸酸辣辣好開胃👍🏻3️⃣泰式炸蝦餅 $75/ 5件炸蝦餅唔算大舊但份量都幾多，黎到熱辣辣炸得好香脆，配埋甜酸醬味道唔錯😋4️⃣沙嗲串燒 $80/ 6串沙嗲串燒有豬肉同雞肉各三串，燒得岩岩好～肉質唔會乾，雞肉仲幾滑～點沙嗲汁食落甜甜哋仲花生碎好有口感，幾香花生味😆5️⃣蒜蓉包 $28/ 4件蒜蓉包食落口感鬆軟，要視乎個人喜好～小編就比較鍾意香脆嘅口感，但食款都唔差，蒜蓉味就唔算太重，用黎點黃咖喱汁💯PS: 無加一，但收每位茶水費$2