Oslo (已結業)

是日叫左午餐套餐，送一杯$40飲品，我叫左香辣蜆肉意粉及焦糖咖啡，意粉冇乜味，焦糖咖啡更加係我飲過最差嘅咖啡，味道淡到好似飲水之餘仲有陣怪味，如果係原價飲，真係完全唔值！男朋友叫左雞扒豬肉腸及凍榛子咖啡，雞扒老到阿媽都唔認得，榛子咖啡好明顯係三合一咖啡粉沖。另外店內空氣唔流通，想叫店員開一開風扇，頭髮中分帶眼鏡店員態度非常差，話風扇係吹入面，仲推入去，其實根本冇開。呢間真係去過最差嘅咖啡店，絕對唔會再去第二次。放假想享受下咖啡嘅人千祈唔好去，會後悔。返工午膳食都唔抵。