嚐越 (已結業)

德福租金貴,食咩都唔會平,咁就要睇性價比啦。今次1行3人點咗5樣野每人約150。飽飽。首先第一道係必食的椒鹽軟殼蟹,非常好味。第二道係燒朱頸肉，夠味又軟，送白飯梗好，可去油。第三道係法式牛尾煲，汁太水，味唔夠，牛尾可以。第四道係越南春卷，正常水準，夠脆。最後係有大馬特色的海鮮喇沙，辣度中性，喇沙味濃，油麵米粉十分夾，魚蛋都幾彈。總結，性價比中上，未食過點都去一次，平均我每月都會去食一次。不過我對店內有幾個姐姐人少無客時服務態度都傲慢有點失望。