皇御園 (已結業)

舊同事啱啱轉工到九龍灣，想搵間中餐坐得舒服又泊到車，第一時間就諗起呢度，晚餐有四個鐘free parking，坐耐d都唔使怕。之前lunch黎過飲幾次茶，覺得質數唔錯，services又好，成日想試下晚餐，今日終於有機會。頭盤叫左陳皮鵝肝香煎北海道帶子皇，帶子超大隻，完全冇諗過帶子陳皮同鵝肝會咁夾。古法生炆東星斑翅，惹味又唔會過咸，東星質感細嫩，份量絕不欺場，超推薦。冰鎮鮮果咕嚕肉，打咭首選，一上菜即刻諗起食神，食落外脆內軟，唔係淨係得個樣。法式慢煮蜂蜜安格斯牛肉，慢煮牛肉嫩滑，可用筷子夾開，配紅酒一流。甜品叫左楊枝甘露同埋杏仁茶，keep住水準，下次人多要試下隻片皮鴨，隔離枱叫左，好吸引。