麗晶軒 (已結業)

朋友果屋苑商場開左間環境高尚既中餐廳，有得飲茶食點心，仲有雞煲烤魚等多元化。 ⦁奇味雞煲 本身雞煲就包左生菜同白飯。因為我地想嗌籠仔飯，就取消左白飯，加多$38轉做籠仔飯。講番果雞煲先，雞件嫩滑多肉，配料調味都恰到好處。雖然嗌左細份，但雞件既份量都幾多，有種「食極仲有」既感覺。好彩我地有三個人，先清得晒。✨外賣仲有9折 ⦁籠仔飯 我見籠仔飯本身都有個$88套餐，有湯、菜同埋籠仔飯，尼個餐都好抵。btw籠仔飯好香，淡淡荷葉味包住每粒飯。另外果肉餅好厚好淋身，唔會太硬太乾。 ⦁小食揀左花雕豬手同埋麻醬青瓜伴雞絲。花雕豬手酒味太濃，但豬手係爽好彈牙，整體黎講好食既。另外，雞絲份量多，配住雞煲食，好清爽！