竹 (已結業)

二人同行一人價錢嘅omakase🥰 餐廳位於Lee Garden Two，裝修好有日本風，主題非常切合餐廳名😂有置身竹林嘅感覺！今次食omakase 坐左係sushi bar，要左$1380 嘅set🍣 前菜已經非常精緻，汁煮螺好吸睛，食落入味有咬口！番茄沙律入面嘅冰菜同埋無花果好好食👌🏻玉子豆腐伴三文魚子非常鮮味，三文魚子一d醒味都冇！刺生有三款，包括中吞拿魚、白身魚同埋貝類！之後就係季節料理，汁煮銀鱈魚魚鮫甜鹹balance 做得好好，面頭加左yuzu，令到佢更加香同埋清新！另外一款小食就係帶子雜菜天婦羅，炸得非常脆口，炸粉唔會好厚👌🏻到sushi 部份🍣 深海池魚爽口得黎又帶有油份，蟹肉就普通，赤身吞拿魚肉質結實，大吞拿魚人口即溶，赤陸輕輕燒過非常香口，個人最鍾意就係海膽，好鮮甜🥰外型好似迷你手卷好得意！鮑魚伴鵝肝醬都唔錯，味道好夾，鮑魚彈牙👍🏻最後有太卷同埋玉子燒，玉子燒望落同食落好似蛋糕咁😳好特別🤣鯛魚清湯好清甜，食完一餐飲啖湯感覺幾好👍🏻甜品係柚子雪芭，酸酸甜甜，可以解膩💯整體黎講係唔錯嘅omakase 體驗，大家趁佢仲做緊買一送一快d 去試下！