鱈卵屋 (已結業)

銅鑼灣開左間專食明太子既鱈卵屋，除左全部菜色都有明太子做base之外，仲有d明太子產品可以買返屋企，上次係福岡帶返黎既明太子醬已經食晒，今次上去買黎試下順便食個飯。鬆軟明太子上灌湯蛋卷＄82蛋卷用左上湯，調味適中，咬落好似有湯咇出黎咁，卷住小小辣鹹鹹地既明太子，好適合送飯。明太燒烏冬小食＄68另一個明太子既classic菜色，加左明太子醬去燒既烏冬，每一條都沾滿一層薄薄既明太子，撈埋木魚絲，烏冬口感彈牙，風味十足。鱈卵碗三文魚拼油甘魚＄148呢個係呢度既signature，大大條明太子直接放係飯面，加上三文魚粒同油甘魚粒，全部撈匀，刺身鮮甜明太子惹味，另外配上6款調味料如芝麻香葱可以自己配搭，最後食晒d刺身，我倒左d上湯當泡飯食，一個丼飯足足有3個食法。溶化的芝士跟炸明太子＄78炸皮裡面包住左溶溶地既明太子芝士醬，出面脆卜卜，一咬開d芝士醬就漏出來，口感豐富。2個人食左＄600，之後仲買左個明太子吱吱裝返去自製明太子卷。