影片
更多
2018-04-02
773 瀏覽
好多年前行過觀塘嘅華嫂冰室，見到人山人海，一直都好想試。感覺上佢買嘅都係港式嘅食品，應該係鋪頭細細但好有特色嗰種感覺！佢喺灣仔開分店，雖然假期都人山人海。有幸有人先去排隊，大概30分鐘左右。入到去第一個感覺系好迫好迫！如果你有去過蘭芳園大概就係嗰種迫逼嘅感覺，但係本來港式茶餐廳就係咁上下，欣然接受。幾經辛苦等到位，但係等人落order都係另一種幸運，舉手舉左10次都無人應。其實間餐廳都好多夥計，但係分工真係好唔均勻。每一次問親佢哋攞嘢都係叫我地叫另一個。作為食客嘅我哋又點知你哋點分工呢？好啦講返食物，我叫咗個牛肉通粉轉番茄湯底，轉湯底係要加＄8嘅。但因為係招牌都俾錢試吓啦。好老實講我覺得個湯底真係淡嘅茄膏囉，只有酸味冇鹹味架！值唔值得比＄8啦真係見仁見智啦。朋友叫咗個清湯豬扒米線就更加不堪入目啦。其實排咗咁耐隊真係唔應該食清湯囉。最特色嘅應該係芫荽皮蛋湯底，只要你唔怕芫荽味，其實呢一個真係吸引嘅。本來想再叫個包，但係真係飲食嘅環境太差啦。佢雖然未去到澳牛嗰種待慢，但係佢嘅價錢絕對拍得住翠華囉，你去翠華從來都唔會覺得有被待慢或者效率低嘅感覺囉！未試過嘅朋友我會叫勸諭大家叫芫荽皮蛋湯底試，
佢喺灣仔開分店，雖然假期都人山人海。有幸有人先去排隊，大概30分鐘左右。
入到去第一個感覺系好迫好迫！如果你有去過蘭芳園大概就係嗰種迫逼嘅感覺，但係本來港式茶餐廳就係咁上下，欣然接受。
幾經辛苦等到位，但係等人落order都係另一種幸運，舉手舉左10次都無人應。其實間餐廳都好多夥計，但係分工真係好唔均勻。每一次問親佢哋攞嘢都係叫我地叫另一個。作為食客嘅我哋又點知你哋點分工呢？
好啦講返食物，我叫咗個牛肉通粉轉番茄湯底，轉湯底係要加＄8嘅。但因為係招牌都俾錢試吓啦。好老實講我覺得個湯底真係淡嘅茄膏囉，只有酸味冇鹹味架！值唔值得比＄8啦真係見仁見智啦。朋友叫咗個清湯豬扒米線就更加不堪入目啦。其實排咗咁耐隊真係唔應該食清湯囉。最特色嘅應該係芫荽皮蛋湯底，只要你唔怕芫荽味，其實呢一個真係吸引嘅。
本來想再叫個包，但係真係飲食嘅環境太差啦。佢雖然未去到澳牛嗰種待慢，但係佢嘅價錢絕對拍得住翠華囉，你去翠華從來都唔會覺得有被待慢或者效率低嘅感覺囉！未試過嘅朋友我會叫勸諭大家叫芫荽皮蛋湯底試，去過嘅朋友應該都唔會再去，係咁先！！
張貼