Warren (已結業)

warren 係我最喜愛既西餐三甲之選，位於大坑隱蔽位置，感覺份外寧靜。✨晚市有兩款dinner set, 同散叫既menu~~款式唔算多，但貴精不貴多。✨日本刺身帶子配黑魚子，紅加侖子啫哩：帶子大大粒煎香過，食落鮮嫩又彈牙🤤。鋪底既紅加侖子啫哩味道幾特別，除左酸酸甜甜既果味，仲帶有酒香～質感非常彈口。連伴碟既提子，車厘茄都好fresh 好多汁，側邊既蕃茄青瓜沙沙好味又開胃。仲有最吸睛係塊樹葉形狀嘅餅乾，食落甜甜的。✨蟹肉芒果沙律：呢個賣相超靚，味道仲好特別。下面個脆麵底真係勁香口鬆脆，配埋勁甜既芒果同蟹肉超好味！👍呢個沙律真係創意之作✨香煎石斑魚配提子牛油汁:呢個石斑好厚肉，同埋鮮味彈牙， 提子牛油汁甜甜地幾得意。鋪底既茄子，瓜粒同薯仔片配上酸酸既茄醬幾好味。✨燒紐西蘭羊架配芥茉籽燒汁： 個羊架好香，燒得啱啱好，切開仲好粉嫩🤤加埋個燒汁好好味。個焗薯仲超好味，入面一層層咁仲好香芝士味添。今餐每一道菜都好好味，食材高質賣相非常精緻，不過份量就偏小，實在太好味好想繼續encore。