太興 (已結業)

今日返工見天氣幾好， 所以自己决定行去麗城嗰邊食午餐。 一路行一路諗邊間食肆中午比較少人又唔使等位， 因為觀塘工廠區一般食肆都要等位。 最後想起去食乳豬，所以去咗麗城間太興。到太興門口望落去都有很多人，但係就唔使等位，所以我決定入去食午餐。我連餐牌都冇睇，一坐下就叫咗個乳豬飯同埋一杯冰凍奶茶。 大約等咗五分鐘，冰凍奶茶同埋乳豬飯都一齊送到。 我影相嘅時候就發現有一兩塊乳豬燒燶咗， 周圍有雜菜同埋碗碟飯就比較細， 乳豬醬係分開一包上的 。 乳豬食落唔鹹又入味， 加埋點乳豬醬就真係一流。 不過份量就細咗一點，可能一陣肚餓要食下午茶。下次如果唔係趕時間，都會選擇再嚟呢度食午餐， 最緊要係唔使等位 同埋有五個兩個人嘅 單邊座位。