龍寶酒家

營業中

休息中

放假同屋企人出去飲茶，見一點鐘龍寶已經有下午茶，所以去試下。等左大既十分鐘，就有位。點心紙有6-7張，令人眼花暸亂。同一個點心係多張點心紙出現真係要搞搞佢。星期六日，所有點心比平日貴$3。乳鴿皮脆肉嫩滑，絕對喜出望外可惜其中有隻有少許血味，凍鮮鴿算唔錯。燒賣有一隻蝦放面，蝦爽口，味道同出面酒樓無太大分別。咸蛋叉燒飯有五舊叉燒及半隻咸蛋，只係$13.8，絕對超值。藥膳鳳爪只有3隻，藥膳味偏淡，但鳳爪爽口。砵仔馬拉糕好細舊，發得不夠，比較硬身。總括而言，食物質素一般，但價錢合理，款式夠多。