阿四車仔麵 (已結業)

疫情肆虐，小妹已經好耐無係街邊篤魚蛋享受港式街頭美食。好難得搵到一間乾淨企理嘅港式車仔麵店，而且性價比超高，完全顛覆之前我對車仔麵嘅印象。「阿四車仔麵」除左有車仔麵選擇，仲有數款大碗飯同常餐可以揀。我地今次就揀咗一個招牌麵加一款自選車仔麵，配料選擇都有成20款俾你揀，樣樣都想試心大心細。招牌麵只需$60就有齊9款餸，啱哂有選擇困難症嘅小妹，經典嘅豬紅、豬大腸、豬皮蘿蔔樣樣有整哂，另外仲有咖哩魚蛋魷魚等，超足料大滿足。一定要大讚嘅係蘿蔔超甜無渣、豬大腸清理得好乾淨，完全冇無臭味，而且仲係爽爽脆脆。自選車仔麵就加咗$3 轉烏冬，配料方便就揀咗滷水豬腩肉、牛腩、炸墨魚卷，豬腩肉大大件仲有兩件添，而且係選用五花腩，肥瘦適中。炸墨魚卷係真材實料，但直接放咗係車仔麵中就減少左自身嘅脆度。另外我地仲加點咗兩款小食，炸南瓜餅同吉列蠔。「阿四」嘅炸物真係超出色，小妹完全大推，兩款炸物都係即叫即炸，上台後仲係熱辣辣嘅，最療癒嘅係咬落去個一下「卡滋卡滋」嘅聲音，超脆身得嚟又唔會過份乾，吉列蠔仲會爆汁添。