卡莎338 (已結業)

平時都好少黎呢區，朋友住呢度，黎探朋友之後，就同佢搵地方晚餐一邊食一邊傾。佢屋企附近見到呢間餐廳嘅餐牌都幾吸引，價錢有好抵。超級豪華套餐，內容好豐富都只係＄398。首先包咗個餐包同餐湯。之後有個小食拼盤，我哋揀咗春卷同炸魚薯條，即叫即整，好鬆脆，唔油。跟著個豬手，超級大大份，啖啖肉，整得好好味，有質素，拍得住德國餐d大餐廳。之後仲有個8 oz澳洲頂級和牛肉眼，又係超級大份，牛扒煎得啱啱好，鎖住肉汁。呢個二人套餐真係食到好飽，好抵食，同埋有質素。