銓滿記餐廳小廚 (已結業)

今晚老公想食煲仔飯,佢話食過朗豪坊附近有一間好食,就二話不說帶左我去。好快有位,一坐低老公好明確知道自己要食$78窩蛋免治牛肉飯煲仔飯,重要加$7要豬油(套餐送一小碟油菜,我當晚係生菜)而我就鐘情於西營盤一間好出名既煲仔飯(唔知大家知唔知係邊到啦xD),我覺得無論邊到好食都唔及得佢咁好食。我就選擇左叫小菜: $85蜜椒牛柳粒煲仔飯一上檯暖烘烘,係呢個時候加D豉油﹑豬油蓋返個蓋,等佢焗1-2分鐘,再開蓋,再將飯﹑牛肉﹑窩蛋﹑豉油﹑豬油撈埋一齊食。真係好正! 食識一定加豬油,唯太早比D豬油我地, 煲仔飯後成15-20分鐘先上檯,咁早比豬油我地都形固晒。佢個飯焦都唔差,唔會過燶。而老火湯足料,夠味帶甜。食飽呢一餐飯,成個人都暖粒粒。而蜜椒牛柳粒夠晒鍋氣,份量及味道不錯。總結:呢到都係食飯既好地方,食物味道中上,但我內心深深處佢既煲仔飯仍然不能同我鐘情果一間比較。如果選擇食呢一間,就要預左食飽就要走,因為好多人,而且多遊客。銓滿記餐廳小廚地址 :旺角新填地街419號萬福大廈地下電話號碼:37608855