Say Cheese (將軍澳中心) (已結業)

收工同男朋友去食飯，揀左將軍澳中心呢間餐廳，因為見佢星期六日都好多人排隊等，反而平日比較少人，可能我地都食得早，7點幾就去左食，所以可以揀到卡位坐。叫左個二人餐，有兩件蒜蓉包，可以揀是日餐湯或沙律，我地各揀左一樣。主菜揀左安格斯肉眼扒10安士（5成），黑松露野菌手搓粉，仲有雪糕同野飲。 蒜蓉包熱辣辣鬆脆～餐湯係紫薯忌廉濃湯，我覺得比較杰身同滯，飲完飽左好幾成，問過待應原來定期會轉唔同款，好似南瓜湯、粟米忌廉湯、羅宋湯等。沙律新鮮、用黑醋汁淋面。安格斯肉眼扒真係好好味，勁juicy，如果單點都係二百幾蚊，10安士份量好大塊，兩個人食好足夠。黑松露野菌手搓粉最令我驚喜，除左黑松露忌廉味濃郁，手搓粉既麵質係我喜愛既有咬口，唔會好稔。最後仲有曲奇味雪糕同水蜜桃果茶。我地兩個都食得好滿足。