炑八韓烤 (瓊華中心)

營業中

休息中

約個朋友食飯、佢成日都話想食韓燒。於是乎我今次就約埋佢去旺角嘅炑八韓烤，食依個熱灸月見和牛肩肉扒套餐。套餐相當之豐富，有月見和牛肩肉扒、韓牛前胸肉、霜降牛小排、韓國鰻魚、牛舌、蜜柑牛五花、墨魚。惠顧晚市套餐仲有一客芝士熔岩泡菜紫菜包飯送添。套餐仲附有前菜同沙律。沙律、芝士同泡菜蛋漿仲係免費無限添加添吖。芝士熔岩泡菜紫菜包飯，芝士滿滿咁融化哂喺泡菜紫菜包飯表面。一夾起就可以做到拉絲效果。芝士夠多，夠哂邪惡。整個熱灸月見和牛肩肉扒套餐都相當之好味。每款配料都相當鮮味。月見和牛肩肉扒、韓牛前胸肉、霜降牛小排最緊要係唔好燒得過熟、每邊大約三十秒，就剛剛好喇。套餐當中嘅蜜柑牛五花，燒好後甜甜蜜柑味之餘，仲帶住陣陣牛香，而且一啲都唔韌。韓國鰻魚亦相當出色，燒好後一啲都唔乾身、真係食到鮮嫩多汁嫁。齋食唔飲嘢又好難過，所以我同朋友都點咗一杯完熟白桃沙冰。加$48就有咁大杯沙冰，而且仲有半個完熟白桃，真係超正囉。