影片
更多
2024-09-10
568 瀏覽
原來內地呢間貓抓烤肉開到黎香港，位置仲喺旺角，好方便！今次專程黎試下佢！猫抓好運 厚切和牛貓罐頭 $268大家一定要嗌呢個，呢個價錢就食到晒厚切美国牛肋、厚切西班牙黑毛豬五花、厚切牛舌、厚切日本宫崎A5和牛、厚切澳洲穀飼牛板腱😍😍一上枱嘅時候見到呢個罐頭真係超級大，佔咗成張枱一半嘅位🤣每款肉都好厚、好大塊，味道、肉質亦都相當唔錯，最出色嘅當然係宮崎和牛，睇佢嘅雪花紋就知有幾正，油脂豐富，肉味濃厚😍😍齋係呢一塊扒就值回票價照燒雞腿肉 $58由於上面個貓罐頭已經有晒牛同埋豬，我哋決定咗嗌多份雞😬呢個雞腿肉嘅份量好多，肉質滑嫩，照燒汁醃得好入味👍🏻口蘑蝦滑 $48極度推薦大家嗌呢個，佢係將蝦滑釀入蘑菇，燒嘅時間會耐少少，可以先燒蝦滑嗰邊再反轉燒，蘑菇勁Juicy，一咬落去好多汁，而蝦滑新鮮爽彈嘅口感令成個層次更豐富，超好食😍貓爪拌飯 $12紫菜撈飯就唔駛多講，一定好食㗎啦，呢度嘅好抵食，$12就有一碗！貓爪鐵板豆腐 $38估唔到呢個豆腐嘅份量都好多，味道exactly係平時喺大陸街頭會食到嘅鐵板豆腐，豆腐口感都好嫩滑，作為小食都唔錯貓爪冰粉 $12我哋本身想嗌嘅係餐牌上面有嘅芒果芋圓冰粉，但
猫抓好運 厚切和牛貓罐頭 $268
大家一定要嗌呢個，呢個價錢就食到晒厚切美国牛肋、厚切西班牙黑毛豬五花、厚切牛舌、厚切日本宫崎A5和牛、厚切澳洲穀飼牛板腱😍😍一上枱嘅時候見到呢個罐頭真係超級大，佔咗成張枱一半嘅位🤣每款肉都好厚、好大塊，味道、肉質亦都相當唔錯，最出色嘅當然係宮崎和牛，睇佢嘅雪花紋就知有幾正，油脂豐富，肉味濃厚😍😍齋係呢一塊扒就值回票價
照燒雞腿肉 $58
由於上面個貓罐頭已經有晒牛同埋豬，我哋決定咗嗌多份雞😬呢個雞腿肉嘅份量好多，肉質滑嫩，照燒汁醃得好入味👍🏻
口蘑蝦滑 $48
極度推薦大家嗌呢個，佢係將蝦滑釀入蘑菇，燒嘅時間會耐少少，可以先燒蝦滑嗰邊再反轉燒，蘑菇勁Juicy，一咬落去好多汁，而蝦滑新鮮爽彈嘅口感令成個層次更豐富，超好食😍
貓爪拌飯 $12
紫菜撈飯就唔駛多講，一定好食㗎啦，呢度嘅好抵食，$12就有一碗！
貓爪鐵板豆腐 $38估唔到呢個豆腐嘅份量都好多，味道exactly係平時喺大陸街頭會食到嘅鐵板豆腐，豆腐口感都好嫩滑，作為小食都唔錯
貓爪冰粉 $12
我哋本身想嗌嘅係餐牌上面有嘅芒果芋圓冰粉，但由於冇晒所以變咗呢隻傳統嘅冰粉，大家食嘅時候記住由個底開始攪勻佢，因為啲紅糖係沉晒喺底嘅😂
貓爪鮮奶奶凍$32
呢個奶凍嘅賣相好掂，造型係隻貓貓，不過味道相對嚟講就普通咗啲🫢可以試吓其他甜品
張貼
