影片
更多
2022-10-20
945 瀏覽
- 晚上時分和男友散步至此，一道幾十蚊，隨意嗌上幾味，三百有找之餘，還不用那莫名奇妙嘅加一服務費，食完抬頭一看，多得了竹園邨嘅矮樓，在黑漆漆嘅天中居然今晚還能找到一顆閃亮的星。難覓程度恰似這一兒時樓下茶記嘅情懷。- 凡是小菜定要勾芡嘅定律，墙上大電視永世只得兩個台，一係播緊賽馬直擊🏇一係播緊講嚟講去三篤屁嘅新聞台，隔離啊伯愛回來般除鞋翹腳嘅風景，待應阿姐當自己人咁熱情地介紹是日邊味最正⋯- 除老土到爆嘅港式情懷，味道也確實不錯。即使客群主要係樓下街坊，但小炒卻真係有返幾下手勢且份量十足，絕不求其了事。-輕輕揭開以荷葉作衣裳嘅〔蟲草花三黃雞籠仔蒸飯〕，誘人嘅內里隨即呼之欲出，橙黃嘅蟲草花、香軟嘅三黃雞，油而不膩嘅蒸飯，質地不會太過軟糯的米飯入口只得一句，再來一碗~！-〔酸薑蕎頭咕嚕肉〕也令人誇目相看，現炸嘅咕嚕肉金黃油亮、咬落鬆脆得吱吱作響、與酸甜爽脆嘅酸薑蕎頭是最佳搭配。趁熱食才是最是美味。-牙齒不過輕輕一碰〔黃金一口豆腐〕，豆腐酥脆嘅外皮便隨之瓦解、内裏軟嫩香滑的口感在口腔停留幾秒亦轉眼消逝，只剩淡淡椒鹽香味仍在，意猶未盡，忍不住一塊接一塊地再回味。-寫字時憶起當晚飽足后行出門外的舊
- 凡是小菜定要勾芡嘅定律，墙上大電視永世只得兩個台，一係播緊賽馬直擊🏇一係播緊講嚟講去三篤屁嘅新聞台，隔離啊伯愛回來般除鞋翹腳嘅風景，待應阿姐當自己人咁熱情地介紹是日邊味最正⋯- 除老土到爆嘅港式情懷，味道也確實不錯。即使客群主要係樓下街坊，但小炒卻真係有返幾下手勢且份量十足，絕不求其了事。
-輕輕揭開以荷葉作衣裳嘅〔蟲草花三黃雞籠仔蒸飯〕，
誘人嘅內里隨即呼之欲出，橙黃嘅蟲草花、香軟嘅三黃雞，油而不膩嘅蒸飯，
質地不會太過軟糯的米飯入口只得一句，再來一碗~！-〔酸薑蕎頭咕嚕肉〕
也令人誇目相看，現炸嘅咕嚕肉金黃油亮、咬落鬆脆得吱吱作響、與酸甜爽脆嘅酸薑蕎頭是最佳搭配。趁熱食才是最是美味。-牙齒不過輕輕一碰〔黃金一口豆腐〕，
豆腐酥脆嘅外皮便隨之瓦解、内裏軟嫩香滑的口感在口腔停留幾秒亦轉眼消逝，
只剩淡淡椒鹽香味仍在，意猶未盡，忍不住一塊接一塊地再回味。-
寫字時憶起當晚飽足后行出門外的舊邨風景、沿路車聲、開闊馬路、比平日放慢少許的脚步，又想重溫這份這份悠閑與風味，絕要擇日再訪，嘗嘗夜茶點心。
張貼
