Maison Meiji (已結業)

今次嚟到灣仔呢個有日本昭和懷舊裝修風格嘅Cafe。Cafe座位非常闊落，有種休閒舒適享受食物嘅感覺。今次試咗三樣嘢 - 和牛牛肉漢堡扒蛋包飯，抹茶醬蝴蝶酥，抹茶蒙布朗個蛋包飯係有一種好特別嘅牛肉燒汁鋪上面，啲飯亦都同其他普通蛋包飯唔同，係有特別烹調過，有啲香濃肉汁味。個漢堡扒煎得好香，但係比起我想像中冇咁juicy, 同埋個size真係有啲細🫣反而係個蛋包飯汁係比較驚喜，唔係普通一間店舖搵到嘅味，同埋裏面都有啲牛肉，嗰啲牛肉就有濃郁嘅肉香。不過整體嚟講呢一個飯我覺得係有少少overpriced另外我哋就試咗兩個甜品，兩個甜品都非常出色。試左佢其中一個王牌抹茶醬蝴蝶酥，蝴蝶酥非常鬆脆，個抹茶醬亦都有我鍾意嘅少少抹茶苦澀味。不過個人就覺得個蝴蝶酥可以唔使咁甜，咁個抹茶味會更加出。牛油嘅酥香都可以再出啲。試咗佢三樣野裏面最鍾意就係食佢嘅抹茶蒙布朗，超級多抹茶cream , 非常濃味，唔會太甜，口感綿密。佢有濃郁嘅綠茶香味之餘，又有奶香同埋順滑嘅口感。同埋上面嗰粒栗子係超級好食！食完佢個主菜本身都對呢個甜品嘅大小唔會有好大嘅期望，但係估唔到佢個份量都好充足，所以食完呢個甜品之後就好滿足！Ove